‘Nexhmije Pagarusha’ në një formë të veçantë

Koncerti ‘Nexhmije Pagarusha’ mbahet sonte, e hënë, 31 korrik, nga ora 20:00 në Amfiteatrin e Ri të Bibliotekës Universitare (objekti në afërsi të Institutit Albanologjik).

Ramë Lahaj International Opera Festival organizon mbrëmjen e pestë muzikore të titulluar ‘Nexhmije Pagarusha’.

Këngët e Nexhmije Pagarushës do të vijnë në përpunim tejet të veçantë dhe origjinal, për të zgjuar tek secili prej jush përjetime e momente unike siç vetëm muzika e saj dinte t’i zgjonte.

Në këtë koncert do të paraqiten në skenë artistët: Kaltrina Miftari, Adhurim Grezda, Ardiana Bytyqi, Gerald Murrja, Besarta Murtezani, drejtuar e shoqëruar nga Keli Band./rtk