Mafinsa me patate

Përbërësit

600 gr patate e ëmbël

4 qepë

6 vezë

3 lugë gjelle gjizë

250 gr miell

50 gr djathë

1 lugë gjelle fara luledielli

Përgatitja

Ngrohni fillimisht furrën në temperaturën 180 gradë Celcius.

Qëroni patatet e ëmbla, grijini në rende dhe shtojini në një tas.

Copëtoni qepët dhe shtojini në enën me patate. Shtoni më pas vezët, gjizën dhe miellin.

Hidhni gjithashtu djathin e grirë dhe pak fara luledielli dhe rregullojini me pak kripë dhe piper të zi. Përziejini mirë në mënyrë që të përftoni një masë homogjene.

Lyejini format e kifleve me pak yndyrë dhe mbushini me masën e përgatitur.

Hidhni mbi to farat e mbetura të lulediellit dhe vendosini në furrë të piqen për rreth 50 minuta.

Mund t’i ruani në frigorifer edhe për disa ditë.