Arrestohet një person në Prishtinë, sulmoi me thikë një person tjetër

Është arrestuar një person gjatë ditës së djeshme në Prishtinë, pasi që dyshohet se kishte therrur me thikë një person tjetër, ka njoftuar policia.

Sipas tyre, viktima ka pësuar lëndime trupore dhe për tretman mjekësor është dërguar në qendrën emergjente në QKUK.

Në vendin e ngjarjes kanë dalë njësitë relevante policore, kurse i dyshuari me vendim të prokurorit është dërguar në mbajtje, thuhet në raportin e policisë.