Zjarr në një spital në Pekin, humbin jetën 29 persona

Njëzet e nëntë persona kanë humbur jetën si pasojë e një zjarri që ka rënë në një spital në Pekin.

Ngjarja ndodhi në Spitalin Changfeng të Pekini në orën 12:57 të së martës.

Li Zongron, nënkryetari i rrethit Fengtai ku ndodhet spitali, tha se 26 nga viktimat ishin pacientë, ndërsa të tjerët ishin anëtarë të familjes dhe punonjës mjekësorë.

Zyrtarët e zjarrfikësve thanë në konferencën për media se shkaku i aksidentit paraprakisht ka qenë për shkak të renovimit të objektit. Por detajet lidhur me shkakun e tragjedisë, janë ende nën hetim.

Në orën 12:57 të së martës, një zjarr ka rënë në spital, ndërsa u evakuuan 71 pacientë, raporton ChinaDaily./rtsh