Dorëzohet në polici i dyshuari për vrasjen në Klinë

Është dorëzuar në polici Tush Frroku, i dyshuari për vrasjen e ndodhur ditë më parë në Klinë.

Kështu ka konfirmuar për Klankosova.tv zëdhënësi i Prokurorisë Themelore në Pejë, Shkodran Nikçi.

“Tush Frroku gjendet në stacion policor dhe i njëjti do të ndalohet për 48 orë, dhe njëkohësisht brenda afatit ligjor prokurori i shtetit do të parashtrojë kërkesë për caktimin e masës ndaj tij për veprën penale ‘vrasje e rëndë’”, ka thënë Nikçi.