Connect with us

KOSOVË

Falsifikoi pronën në Dhërmi dhe më pas e shiti

Published

on

Topografi i Bashkisë së Himarës Elton Marko është vënë në prangat e policisë. Sipas bluve ai dyshohet se ka falsifikuar formularin e aktit të marrjes së Tokës në pronësi, të cilin e ka përdorur për regjistrimin e një pasurie në fshatin Dhërmi dhe më pas e ka shitur te persona të tjerë, shkruan Ndërtimi.info.

Në lidhje me këtë çështje Gjykata e Shkallës së Parë Vlorë ka caktuar ndaj tij masën e sigurisë arrest me burg për veprat penale “Falsifikimi i dokumenteve” dhe “

Pastrimi i produkteve të veprës penale”. Tashmë materialet hetimore i kanë kaluar Prokurorisë, për veprime të mëtejshme.

“Nga specialistët për Hetimin e Krimit Ekonomik dhe Financiar në DVP Vlorë u bë ekzekutimi i vendimit të datës 06.11.2021, të Gjykatës së Shkallës së Parë Vlorë, e cila ka caktuar masën e sigurimit personal “Arrest në burg” për veprat penale “Falsifikimi i dokumenteve” dhe

“Pastrimi i produkteve të veprës penale”, për shtetasin E. M., 41 vjeç, banues në Himarë, me detyrë topograf pranë Bashkisë Himarë, pasi dyshohet se ka falsifikuar formularin e Aktit të Marrjes së Tokës në Pronësi, të cilin e ka përdorur për regjistrimin e një pasurie në fshatin Dhërmi dhe më pas e ka shitur tek persona të tjerë, shkruan Gazeta Shekulli.

Materialet i kaluan Prokurorisë, për veprime të mëtejshme”, njofton policia. Problemi në Dhërmi me falsifikimet për pronat një muaj më parë çoi në pranga drejtorin e zyrës së administrimit të Tokës Bardhi Gjika,  specialisti i kësaj drejtorie, Kreshnik Mino dhe 51-vjeçari Spiro Duni.

Ndaj tyre rëndon akuza e falsifikimit të dokumenteve në dosjet e pronave të fshatit turistik të Dhërmit. Pas falsifikimeve të bëra dhe frikës nga drejtësia, në bashkëpunim me njëri tjetrin ata inskenuan një grabitje në zyrat e “Tokave” të Dhërmiut në zyrat e Këshillit të Qarkut të Vlorës./Teleskopi.info