Gjendet trupi i pajetë i 4- vjeçarit në kanalet e Ibër Lepencit

Gjendet trupi i pajetë i 4- vjeçarit ne kanalet e Ibër Lepencit. Ai është gjetur pa shenja jete nga ekipet e kërkim-shpëtimit në fshatin Bukosh të Vushtrrisë, raporton RTKlive.

Të hënën, zëdhënësi i Policisë së Kosovës për rajonin e Mitrovicës, Avni Zahiti kishte njoftuar se rreth orës 18:30, policia ka pranuar informatën se në fshatin Akrashticë të Vushtrrisë, dyshohej se një fëmijë i moshës rreth 4 vjeçar, ka rënë në kanalin e Ibër-Lepencit.

Pas lajmit, policia me njësitet e saj kishin dal në vendin e ngjarjes, si dhe ishin njoftuar ekipet e emergjencave civile, zjarrfikësit, ekipet zhytësve për  kërkim-shpëtimit.