Hapet aplikimi për pagesa direkte në sektorin e blegtorisë

Ministria e Bujqësisë, Pylltarisë dhe Zhvillimit Rural vazhdon të mbështesë me pagesa sektorin e blegtorisë.Kjo ministri ka hapur aplikimin për pagesa direkte në sektorin e blegtorisë për gjashtë mujorin e parë të këtij viti.

MBPZHR ka njoftuar se afati i aplikimit fillon nga data 10 korrik dhe përfundon më 18 gusht në ora 16:00.

“Ministria e Bujqësisë, Pylltarisë dhe Zhvillimit Rural vazhdon të mbështes sektorin e blegtorisë përmes pagesave direkte për qumësht/litër, therjet e raportuara të gjedhit, viçat për majmëri, zogjtë për majmëri (brojlerët), dhe akuakulturë si dhe mbështetja për Primin e Sigurimeve bujqësore”, thuhet në njoftim.