Haugen nuk e ndal “luftën” e saj me Facebook – “ata vazhdojnë të bëjnë gjëra që kanë përparësi fitimet e tyre, mbi sigurinë tonë”

Denoncuesja e Facebook, Frances Haugen, tha se bota duhet t’i frikësohet ndikimit të metaverses që gjigandi i mediave sociale ka riemërtuar, duke thënë se bota futuristike e realitetit virtual do t’i detyronte njerëzit të heqin dorë nga më shumë se informacionet e tyre personale, të jeë të varur dhe ti japin kompanisë një tjetër monopol në botën online, shkruan APNews.

Në një intervistë me Associated Press të marten, ndërsa ajo bën një sërë paraqitjesh para ligjvënësvë europiane që hartojnë rregulla për kompanitë e rrjeteve sociale, Haugen tha se ish-punëdhënësi i saj ka nxituar ti japë përparësi metaverses sepse “nëse nuk ju pëlqen biseda, ju përpiquni të ndryshoni bisedën”.

“Facebook duhet të ketë një plan përpara se të fillojnë të ndërtojnë të gjitha këto gjëra, sepse ata kanë demonstruar në lidhje me Facebook se mund të fshihen pas një muri, ata vazhdojnë të bëjnë gabime të padetyruara, ata vazhdojnë të bëjnë gjëra që kanë përparësi fitimet e tyre, mbi sigurinë tonë”, tha ajo.

Metaverse është një lloj interneti i sjellë në jetë, ose të paktën i dhënë në 3D. CEO i saj e ka përshkruar atë si një “mjedis virtual” ku mund të futesh, në vend që të shikosh vetëm në ekran dhe rifokusoi modelin e biznesit të Facebook në të duke përfshirë riemërtimin e kompanisë Meta. Njerëzit mund të takohen të punojnë dhe të luajnë, duke përdorur kufjë të realitetit virtual, syze të realitetit të shtuar, aplikacione, smartphone ose pajisje të tjera.

Haugen edhe një ish-menaxher i produktit në Facebook, i kthyer në sinjalizues, zbulimet e të cilit rreth praktikave të kompanisë kanë tërhequr vëmendjen globale. Dokumentet që ajo u ka dorëzuar autoriteteve dhe dëshmia e saj për ligjvënësit, në të dy anët e Atlantikut kanë zbuluar probleme të thella në kompani dhe kanë fuqizuar përpjekjet legjislative dhe rregullatore në mbarë botën për të goditur kompanitë e mëdha të teknologjisë.

Ajo thotë se gjigandi i mediave sociale i jep përparësi angazhimit dhe rritjes së përdoruesve mbi sigurinë në internet. Haugen, i cili gjithashtu ofroi një sasi të madhe dokumentesh të brendshme të redaktuara për një grup organizatash lajmesh, pretendon se sistemet e Facebook amplifikojnë urrejtjen dhe ekstremizmin në internet, dështojnë të mbrojnë të rinjtë nga përmbajtjet e dëmshme dhe kompanisë i mungon ndonjë nxitje për të rregulluar problemet.

Dokumentet e Haugen kanë eskpozuar një krizë të brendshme në kompaninë që ofron shërbime falas për 3 miliardë njerëz./Teleskopi.info