Krasniqi uron Albinën dhe familjen Kelmendi për kualifikimin në finale të Eurovisionit

Kryetari i Partisë Demokratike të Kosovës,(PDK), Memli Krasniqi ka uruar Albinën dhe Familjen Kelmendi për kualifikimin në finalen e Eurovisionit.

Krasniqi përmes një postimi në facebook ka uruar edhe gjithë shqiptarët për mbështetjen.

“Urime Albinës, familjes Kelmendi dhe gjithë shqiptarëve për mbështetjen e madhe-kualifikimi i Shqipërisë në finalen e Eurovizionit. Tani drejt një finaleje sa më të suksesshme”, ka shkruar Krasniqi.

Shqipëria ishte përfaqësuesja e parë që kaloi në finale të Eurovisionit.

Kujtojmë se finalja mbahet të shtunën më fillim nga ora 21:00./Teleskopi/