Kurti: “Veprimi i Serbisë, e cila ndaloi boksierët kosovarë të kalonin kufirin tregon fytyrën dhe qëllimet e saj të vërteta”

Kryeministri i Kosovës, Albin Kurti në një konferencë për media së bashku me ministrin e Bujqësisë, Faton Peci ka folur për një takim të mundshëm me presidentit serb, Aleksandër Vuçiç dhe vijimin e dialogut Kosovë-Serbi, shkruan Dosja.al.

Kurti tha se ende nuk ka një datë për takimin e rradhës dhe se çdo gjë varet nga BE-ja.

Kurti vijoi komentin e tij duke thënë se veprimi i fundit i Serbisë, e cila ndaloi boksierët kosovar të kalonin kufirin tregon fytyrën dhe qëllimet e saj të vërteta.

Më 7 shtator, delegacioni i Kosovës, i udhëhequr nga zëvendëskryeministri, Besnik Bislimi ka diskutuar me BE-në për temën e të pagjeturve, energjetikës, targave të veturave dhe për vizitat zyrtare, pasi Prishtina zyrtare ia ndaloi hyrjen shefit të delegacionit të Serbisë, Petar Petkoviç. Raundi i fundit në nivel të lartë është zhvilluar më 19 korrik, por nuk arriti të kishte rezultate, madje përfundoi në akuza dhe kundër-akuza midis presidentit serb, Aleksandër Vuçiç dhe kryeministrit kosovar, Albin Kurti./Teleskopi.info