Numërohen 248 qendra votimi në Tiranë, kryeson Erion Veliaj

248 qendra votimi janë numëruar në Bashkinë e Tiranës nga 941 që janë në total. Deri në këto momente, kandidati i PS, Erion Veliaj ka siguruar 53.13% të votave, ndërsa kandidati i “Bashkë Fitojmë” Belind Këlliçi 35.53 % të votave.

Pas tij renditet Kandidati Arlind Qori i Lëvizjes Bashkë me 5.03 %, i cili ndiqet nga Roland Bejko i Partisë Demokratike i cili nga ka siguruar 4.59% të votave.

Më pas renditet Lajla Përnaska e Partisë Drejtësi, Integrim dhe Unitet me 0.87 % të votave dhe në fund kandidati i Fronit të Majtë, Marko Dajti që ka grumbulluar vetëm 0.85% të votave./rtsh.al