Policia jep detaje për plagosjen te “Kafet e Vogla” në Prishtinë

Një person është plagosur mbrëmë me armë zjarri në rrugën “Fehmi Agani”, në Prishtinë.

Policia përmes raportit 24 orësh ka njoftuar se i plagosuri është jashtë rrezikut për jetën, kurse dyshuari është larguar nga vendi i ngjarjes

“Rr.Fehmi Agani, Prishtinë 23.06.2023 – 21:48. Është raportuar se viktima mashkull kosovar është qëlluar me armë zjarri nga një i dyshuar i cili pas sulmit është larguar nga vendi i ngjarjes. Viktima është dërguar në QKUK për tretman mjekësor dhe sipas mjekëve është jashtë rrezikut për jetë. Rasti është duke u hetuar”, thuhet në njoftimin e Policisë.