Sekuestrohen dy armë zjarri në Prishtinë

Policia në Prishtinë, pas pranimit të një rasti për kanosje, dy personave u janë sekuestruar dy armë zjarri, pesë karikatorë dhe 271 fishekë.

Siç thuhet në njoftim, ndaj dy të dyshuarve, janë iniciuar raste për mbajtje në pronësi, kontroll ose posedim të pa autorizuar të armëve.

Njoftimi i plotë:

Drejtoria Rajonale e Policisë – Prishtinë, po ndërmerr të gjitha masat e nevojshme policore për të siguruar rendin dhe qetësinë publike në rajonin e Prishtinës.

Në kuadër të veprimeve operative që po kryen policia me qëllim parandalimin dhe zbulimin e veprave kriminale, sot nga hetuesit e stacionit policor Veriu në Prishtinë, pas raportimit të një rasti kanosje (me 29.04.2023), dy personave u janë sekuestruar:

– dy armë zjarri

– pesë karikatorë dhe

– 271 fishekë.

Ndaj dy personave, janë inicuar raste për mbajtje në pronësi, kontroll ose posedim të pa autorizuar të armëve.