Shënohet sot Dita Ndërkombëtare e Fëmijëve

Dita Botërore e Fëmijëve u themelua për herë të parë në vitin 1954 si Dita Universale e Fëmijëve dhe festohet më 20 nëntor të çdo viti, për të promovuar bashkimin ndërkombëtar, ndërgjegjësimin e fëmijëve në mbarë botën dhe përmirësimin e mirëqenies së fëmijëve.

20 nëntori është një datë e rëndësishme pasi është dita kur në vitin 1959 Asambleja e Përgjithshme e OKB-së miratoi Deklaratën e të Drejtave të Fëmijëve. Është gjithashtu dita kur në vitin 1989 kjo asamble e miratoi Konventën për të Drejtat e Fëmijëve.

Që nga viti 1990, Dita Botërore e Fëmijëve shënon edhe përvjetorin e ditës kur Asambleja e Përgjithshme e OKB-së miratoi si Deklaratën ashtu edhe Konventën për të Drejtat e Fëmijëve.

“Nënat dhe baballarët, mësuesit, infermieret dhe mjekët, udhëheqësit e qeverisë dhe aktivistët e shoqërisë civile, klerikët fetarë, profesionistë të medias, si dhe të rinjtë dhe vetë fëmijët, mund të luajnë një rol të rëndësishëm në bërjen e Ditës Botërore të Fëmijëve relevante për shoqëritë, komunitetet dhe kombet”, thuhet në një njoftim të OKB-së.

Dita Botërore e Fëmijëve i ofron secilit një pikë frymëzuese për të mbrojtur, promovuar dhe festuar të drejtat e fëmijëve, duke u përkthyer në dialogë dhe veprime që do të ndërtojnë një botë më të mirë për fëmijët.

Në Kosovë, me rastin e kësaj dite do të mbahet takimi i Komitetit Ndërministror për të Drejtat e Fëmijëve, me fillim nga ora 10:00 në ndërtesën e Qeverisë.

Po ashtu duke filluar nga ora 12:00 Kryeministri Albin Kurti dhe ministrja e Arsimit, Arbërie Nagavci, do të takohen me nxënës nga komuna të ndryshme të Kosovës, me rastin e 1 Qershorit – Ditës Ndërkombëtare të Fëmijëve. (Vila Gërmia, Prishtinë)

Ndwrsa nga ora 12:30 Komisioni për Shëndetësi dhe Mirëqenie Sociale viziton Klinikën e Pediatrisë, për t’u njohur për së afërmi me punën dhe sfidat e kësaj klinike. (Klinika e Pediatrisë, QKUK)./Teleskopi.info/