Connect with us

KOSOVË

Tre persona arrestohen për mashtrim me viza

Published

on

Policia e Kosovës ka arrestuar tre persona nën dyshimin se kanë marrë mijëra euro duke i mashtruar viktimat se do t’ua rregullojnë vizat e punës për vende të Bashkimit Evropian.

Në një njoftim të PK-së thuhet se të arrestuar janë:

N. Lepaja, mashkull, 29 vjeç, shtetas i Republikës së Kosovës

K. Lepaja, mashkull, 29 vjeç, shtetas i Republikës së Kosovës

V. Behrami, mashkull, 40 vjeç, shtetas i Republikës së Kosovës

Tre të arrestuarit dyshohet të jenë implikuar në veprën e mashtrimit, duke marrë nga viktimat shuma të ndryshme parash (mijëra euro), duke u premtuar viktimave se do t’ua rregullojnë vizat e punës për vende të Bashkimit Evropian.

“Mbështetur në rezultate e para të hetimit është ngritur dyshimi i arsyeshëm se ky mashtrim ka ndodhur në vazhdimësi për një periudhë të gjatë kohore dhe dyshohet se numri i personave të mashtruar nga ta arrin mbi 8 qytetarë të ndryshëm të cilët nuk kanë raportuar se janë mashtruar nga po njëjtit persona”, thuhet në njoftimin e Policisë.

Pas arrestimit dhe marrjes së autorizimit nga ana e prokurorit, personat e dyshuar janë dërguar në qendrën rajonale të paraburgimit në Prishtinë, ku aktualisht hetuesit po kryejnë të gjitha veprimet e nevojshme hetimore e procedurale para se rasti të dërgohet në gjykatë.

Policia ka ftuar të gjithë ata që janë viktima nga këto mashtrime të paraqiten në stacionin më të afërt policor për denoncim.

Continue Reading